Tað váttar Heðin Askham, sum er venjari hjá HB.
Fyri stuttari tíð síðani fóru Bárður Olsen og AB hvør til sítt, tá tað kom fram, at leikarin var givin í AB. Bárður hevur spælt við AB í ár og í fjør, men var í 2013 ein lyklaleikari á FM liðnum hjá HB. Og tað er til HB, at Bárður fyribils er farin aftur. Tí í vikuni hevur hann vant við HB, váttar Heðin Askham, sum er høvuðsvenjari hjá HB.
– Bárður er uttan sáttmála og venur við okkum fyri at halda seg í venjing. Vit samráðast ikki í løtuni, men ein skal ongantíð siga ongantíð í fótbólti, svarar Heðin uppá fyrispurning, um Bárður verður at síggja í HB, tá flytingarvindeygað letur upp í summar.
