Nær fekk landsstýrismaðurin tilmælið um menningarkvotur frá tilmælisnevndini?
Nær kann roknast við, at menningarkvoturnar verða tillutaðar?
Hetta spyr Bjørn Kalsø landsstýrismannin í fiskivinnumálum
Fyrispurningur eftir Tingskipanini § 52a
Fyrispurningur um menningarkvotur, settur landsstýrismanninum ífiskivinnumálum Høgna Hoydal, (at svara skrivliga eftir TS § 52a)
Nær fekk landsstýrismaðurin tilmælið um menningarkvotur frá tilmælisnevndini?
Nær kann roknast við, at menningarkvoturnar verða tillutaðar?
Hvørji eru tilmælini frá nevndini býtt á feløg, fiskasløg, nøgd og økir?
Fer landsstýrismaðurin at fylgja tilmælinum neyvt?
Um nei, hvørjar verða so broytingarnar býtt á feløg, fiskasløg nøgd og økir?
Hvørjar eru grundgevingarnar fyri møguligu broytingunum í mun til tilmælið?
Eru nýggir aktørar í fiskivinnuni millum teirra, ið fara at fáa?
Viðmerkingar:
Í nýggju lógini um sjófeingi, er heimild givin landsstýrismanninum at luta út 8,5 % av fiskinum, ið kann fiskast av føroyingum, í menningarkvotum.
Undir viðgerðini av lógini í Løgtinginum greiddi landsstýrismaðurin frá, at hann í eini handavend, eftir tilmæli frá serfrøðingabólki, fór at tilluta menningarkvoturnar.
Men nú væl er liðið á árið, og tilmælið er latið frá serfrøðingabólki fyri tíð síðan, eru ongar menningarkvotur lætnar.
Mong hava tosað um politiska útlutan í sambandi við, at menningarkvoturnar skulu latast. Onnur um týdningin av, at aktørarnir í góðari tíð fáa kvoturnar, so fiskiskapur og framleiðsla kunnu leggjast til rættis og virðini gagnnýtast.
Á Løgtingi, 7. august 2018
Bjørn Kalsø
