Boban Ilic verður venjari hjá Meistara deild kvinnum hjá Mjølnir komandi kappingarár
Fyrireikingarnar til nýggja kappingarárið í Flogbólti eru í gongd. Venjari til kvinnurnar verður 50 ára gamli Boban Ilic.
Boban Ilic er serbi, men hevur búð í Føroyum í fleiri ár.
Boban hevur fyrr verið venjari hjá kvinnunum hjá Mjølnir við sera góðum úrsliti. Hann var venjari, tá Mjølnir kvinnurnar vunnu greipuna í árunum 2010/11, 2011/12 og 2012/13.
Boban er fluttur til Klaksvíkar við familjuni og verður nú aftur partur av Mjølnir.
