– Vit hava gjøgnumført eina rúgvu av týðandi málum og tí er hugaligt at síggja fram móti býráðsvalinum, men sjálvur havi eg ikki tikið nakra avgerð
Steinbjørn O. Jacobsen, borgarstjóri, sum á seinasta býráðsvalinum sló øll atkvøðumet, sigur at hann ikki enn hevur tikið avgerð um sína politisku framtíð.
– Tað er eingin ivi um at tíðina vit hava verið í býráðspolitikki er sera nógv hent í Klaksvík, men enn havi eg ikki tikið støðu til um eg skal stilla upp aftur.
– Nógv spennandi mál standa fyri framman, men sjálvandi fari eg fyrst at tosað við mítt persónliga og politiska bakland.
– Tjóðveldi hevur uppstillingarfund í næstum – men tá verið eg burturstaddur.
– Eg fari tó at boða frá mínum ætlanum á uppstillingarfundi í flokkinum, sigur Steinbjørn O. Jacobsen, borgarstjóri í stuttari viðmerking.
