Fyri løtu síðani tosaðu vit við skiparan á Brandi, Janus Sørensen. Teir hava verið norðanfyri í nátt á útróðri og hava havt ein góðan túr, góð 10.000 pund, harav 2000 pund av toski. Brandur er einastur bátur úr Norðoyggjum, sum er á søluni í morgun.
Annars segði Janus Sørensen, at veðrið norðanfyri hevur verið gott í nott, eitt lot av suðuri. Upp á fyrispurning okkara, um teir hava merkt nakað til tsunami í nátt, svaraði hann, nú teir sigla inn og eru um 4 fjórðingar norðanfyri, at ein slík alda er í hvussu so er ikki komin enn.
