Í kvøld spælir Countrybólkurin úr Klaksvík til dans í Eydnuni á Oyrabakka.
Í kvøld spælir Countrybólkurin úr Klaksvík til dans í Eydnuni á Oyrabakka.
Langt er ímillum framførslurnar hjá vælumtókta Countrybólkinum úr Klaksvík, men í kvøld verður aftur høvi at uppliva bólkin.
Tað eru fleri ár síðani Countrybólkurin seinast spældi á Oyrabakka, har bólkurin áður hevur havt fleiri væleydnaði dansikvøld. Fyrireikararnir eru tískil sera spentir uppá tiltakið í kvøld og vóna at síggja nógv fólk.
Fyriskipari av tiltakinum er Klaksvíkar Talvfelag og dyrnar í Eydnuni á Oyrabakka lata upp kl. 22.00.
