Fyri fyrstu ferð síðan miðskeiðis í 90’unum hevur Dartsambandi aftur í ár unglingakappingar á skránni. Havnar Dartfelag og Klaksvíkar Dartfelag hava sett venjingartímar av til unglingar burturav, meðan tað í øðrum feløgum eru einstakir unglingaspælarar, sum venja saman við teimum vaksnu.
Fyrsta av trimum unglinga-kappingunum var fríggjakvøldið í hølunum hjá Klaksvíkar Dartfelag. Kappingin var býtt upp í aldursbólkarnar U18 og U24. Hjá U18 vóru 12 luttakarar, meðan tað hjá U24 vóru 6 luttakarar.
Djóni Samuelsen úr Havnar Dartfelag vann kappingina hjá U18, meðan Bogi Arge, eisini úr Havnar Dartfelag, vann kappingina hjá U24.
Á myndunum síggjast vinnararnir og eisini úrslitini frá kappingunum.
Næsta unglinga-kappingin verður á Skála 28. mai.
