Beiggin skoraði í fyrsta dysti frá byrjan, meðan Dávid skoraði í fyrsta dysti yvirhøvur.
16 ára gamli Dávid B. Andreasen skoraði í dag til 4-0 móti TB. Hann bleiv innskiftur og skoraði í sínum fyrsta skrásetta dysti fyri besta liðið.
Dávid er beiggi KÍ-liðskiparan, Jákup B. Andreasen, og spældi við nr. 19 á rygginum, sum er sama tal, sum Jákup spældi í fyrstu árini á besta liðnum.
Familja, liðfelagar og núverandi og fyrrverandi venjarar fagnaðu unga málskjúttanum eftir dystin, sum myndirnar vísa.
