Broytingar verða gjørdar so ikki øll línuskipini noyðast yvir á Flemish Kap at royna, sigur fiskimálaráðharrin í stuttari viðmerking til Norðlýsið
Reiðarar hava bíða eftir at landsstýrismaðurin tók avgerð um fiskiskapin á Flemish kap. Ein orðing í lógini hevur viðført at reiðarí hava verið noydd at sent øll skipini at fiska, um tey ikki skuldu missa rættindini framyvir. Nøgdin kann væl fiskast av 2-3 skipum skilir Norðlýsið.
Dennis Holm upplýsir fyri Norðlýsinum, at samgongan er samd um at gera broytingar, so at ikki øll skipini noyðast á Flemish Kap.
Hetta mál er komið í drag, tí vit hava haft so mong onnur átroðkandi mál, men nú er lógaruppskotið klárt og verður sent til hoyringar í næstu viku, sigur Dennis Holm við Norðlýsið at enda.
