Í samband við 60 ára stovningardagin hjá Dugna bjóða vit til føðingardag fíggjadagin 29. apríl. Dagurin verður hildin á deildum okkara á Hjalla, við Áir og á Kambsdali, og øll eru hjartaliga vælkomin. Tað hevði glett okkum at sæð okkara vinnuligu og almennu samstarvsfelagar eins og fyrrverandi næmingar, arbeiðsfólk og starvsfólk og annars øll, sum hava hjarta fyri arbeiðinum hjá Dugna.
Á deildunum verða ymiskar framsýningar settar upp til at lýsa virksemi stovnsins fyrr og nú. Somuleiðis verður høvi at ganga runt og síggja verkstaðirnar, skúlastovurnar og búdeildina.
Dagurin byrjar uppá á Hjalla, har bjóðað verður til stórt morgun-matarborð. Síðani verður farið til skúlan við Áir, har vit bjóða miðmála, og dagurin endar á Kambsdali, har vit bjóða kaffi og kakuborð.
Á bingjuplássinum hjá Brennistøðini á Hjalla bjóða vit kaffi og køkur hendan dagin. Á hinum bingjuplássunum kring landið, har vit hava bingjur standandi í samráð við IRF, bjóða vit kaffi og køkur leygardagin 30. apríl.
Skráin fyri dagin er:
Á Hjalla kl. 9.30 -11
– Allan Mørkere, deildarleiðari, bjóðar vælkomin
– Ása Olsen, forkvinna, ber fram røðu
– Allan bjóðar til morgunmatarborðið
– Tónleikainnslag
– Møguleiki fyri at bera fram heilsan
– Hedvig Johansdóttir, stjóri, vísir á framsýningar og rundvísing
Á skúlanum við Áir kl. 12 -13.30
– Stig Elttør, deildarleiðari, bjóðar vælkomin
– Eyðgunn Samuelsen, landstýrisskvinna, ber fram røðu
– Hedvig Johansdóttir, stjóri, ber fram stutta heilsan
– Kári Petersen, hugleiðir um byrjanina hjá Dugna/ ALV
– Stig bjóðar til miðmálaborðið
– Møguleiki fyri at bera fram heilsan
– Tónleikainnslag
– Ása Olsen, forkvinna, ber fram røðu og vísir á framsýningar og rundvísing
Á Kambsdali kl. 14.30 -16
– Torgerð Hansen, deildarleiðari, bjóðar vælkomin
– Eyðgunn Samuelsen, landstýrisskvinna, ber fram røðu
– Ása Olsen, forkvinna, ber fram røðu
– Torgerð til kaffi- og køkuborðið
– Møguleiki fyri at bera fram heilsan
– Tónleikainnslag
– Hedvig Johansdóttir, stjóri, vísir á framsýningar og rundvísing
Øll eru hjartaliga vælkomin til føðingardagin 29. apríl.
