Komandi ár skal besta mansliðið hjá EB/Streymur spæla sínar heimadystir á Eiði.
Komandi ár skal besta mansliðið hjá EB/Streymur spæla sínar heimadystir á Eiði.
Jógvan í Skorini, borgarstjóri í Eiðis Kommunu, staðfesti fyri Norðlýsinum í morgun, at avtala er gjørd við EB/Streym um, at nú alt kring vøllin í Hólmanum á Eiði skjótt er liðugt, so fer besta mansliðið hjá EB/Streymi næsta ár at spæla sínar heimadystir á nýggja vøllinum á Eiði. Ein vøllur, sum liggur mitt í bygdini og sum mest sannlíkt verður vælumtóktur. Tí hann liggur mitt í bygdini í vøkrum landslagi og sum skilst er talan um veðurgott pláss.
Avtalan er, at EB/Streymur fer annaðhvørt ár at spæla í Hólmanum á Eiði, meðan annaðhvørt ár verður spælt við Margáir í Streymnesi. Somuleiðis verður hendan skipan fyri besta kvinnuliðið, sum væntandi spælir heimadystir á Eiði eftir summarsteðgin í ár.
