tað er nokk til av teimum sum andøva.
Eg havi verið fyri hørðum ákoyringum, fyri mín greiða framtíðar fiskivinnupolitikk.
Míni sjónarmið stava frá einari grundhugsan, sum tekur støði í okkara eftirkomarum. Serliga í útjaðaranum.
Eg skilji væl at fólk eru uppøst. Tí vit verða fóðraði við einari landsdekkandi lygn, nevniliga at fólksins ogn endar í lummunum á ávísum reiðarum.
Hesin trupulleiki er beindur av vegnum við eini broyting í partafelags lóggávuni. Lógin er broytt. Frá at veita skattafría sølu av virkjum eftir ogn í 10 ár. Til í dag har tú verður skattaður við 35% av søluni. Óansæð hvussu leingi ognin er tín. Ein sunn og góð skipan fyri vinnulívið.
Trupulleikin við yvirfígging.
Vit hava ein trupulleika í fíggjarheiminum. Tí hesin heimur hevur ikki tikið hædd fyri, at tað eru menniskjur, eins og tey sum arbeiða á landi, sum skulu manna hesi yvirfíggjaðu skip, sum nú ikki hava møguleika at fornýggja seg. Hendan trupulleika ávaraði eg ímóti fyri tveimum árum síðan.
Fíggjarvinnan átti at verið stýrd hóvliga á heimamarknaðinum.
Eg fati ikki at búskaparfrøðingar ikki síggja týdningin av, at vit hava eina hóvliga fíggjarvinnu á heimamarknaðinum. Tí tað er ikki seljarin ella keyparin sum avgera, hvat prísurin er á einari vøru sum fíggjarheimurin er innblandaður í.
Les meir á:
www.eydstein.fo
