– “Eg eri sera spentur at byrja í starvinum, og til at vera við til skapa upplivingar í hesum flotta og spennandi hotellinum í Klaksvík. Eg vænti, at KG verður ein týðandi partur av bæði býnum og føroysku ferðavinnuni, og eg gleði meg til, saman við starvsfólkum og samstarvsfeløgum, at skapa góðar og minniligar gestaupplivingar hjá vitjandi á KG.”, sigur Eirikur Jákupsson
Í samband við at nýggja hotellið í Klaksvík letur upp í summar, er stjóri settur at standa á odda fyri dagliga rakstrinum. Nýggi stjórin er Eirikur Jákupsson, 36 ár, familjumaður við 3 børnum. Eirikur kemur við drúgvum royndum innan hotel- og tænastuvinnuna, rakstri og leiðslu
Eirikur hevur eina bachelorútbúgving í búskapi og virkisleiðslu frá Roskilde Universiteti og eina master-útbúgving í Integrated Food Studies frá Aalborg Universiteti. Seinastu árini hevur hann starvast sum rakstrarstjóri í Vert.
Afturat hesum hevur Eirikur royndir sum verkætlanarsamskipari innan rakstur og burðardygd hjá Arp-Hansen Hotel Group – ein av teimum størstu hotelketunum í Danmark. Har starvaðist hann tætt saman við leiðsluni á hotellunum og hevði ein týðandi leiklut í at tryggja, at hotellini livdu upp til krøv frá myndugleikum, gestum og altjóða skipanum innan burðardygd.
Eirikur hevur eisini royndir úr matstovuvinnuni, m.a. frá viðurkendu matstovuni Alchemist í Keypmannahavn, har hann var við í fyrireikingararbeiðnum, áðrenn matstovan lat upp í 2019.
– “Eg eri sera spentur at byrja í starvinum, og til at vera við til skapa upplivingar í hesum flotta og spennandi hotellinum í Klaksvík. Eg vænti, at KG verður ein týðandi partur av bæði býnum og føroysku ferðavinnuni, og eg gleði meg til, saman við starvsfólkum og samstarvsfeløgum, at skapa góðar og minniligar gestaupplivingar hjá vitjandi á KG.”, sigur Eirikur Jákupsson.
Við setanini av Eiriki Jákupssyni sum stjóra verður lagt dent á at tryggja ein professionellan og burðardyggan rakstur, tá KG letur upp í summar og tekur ímóti fyrstu gestunum.
