Lágtrýstið, sum fór framvið í gjár, nærkast nú Norðurnorra, og har er nú illveður.
Her í Føroyum er enn fitt av vindi, men nú er tað eitt annað lágtrýst, sum stýrir veðrinum. Tað sæst ikki stór munurin á veðrinum hjá okkum, at eitt lágtrýst er farið, og eitt annað er komið.
Veðrið næstu dagarnar fer tað at vera vindur úr ættunum frá útsynningi til útnyrðing – eitt sindur báðumegin vestan.
Vindferðin í dag, í nátt og morginári fer at liggja í miðal um 15 m/s (± eitt sindur); seinnapartin í morgin verður meiri vindur – um 15 til 20 m/s av útnyrðingi.
Luftin, sum rekur til okkara í dag og í morgin, kemur av leiðunum í Kanada, og har er kalt. Tí er avfallið úr brúgvløgunum og úr ælunum í dag og í morgin eitt bland av kava, vátakava og regni.
Hitin í Føroyum fer at liggja um 2-4 stig hetta vikuskiftið.
Mánamorgun fer tað aftur at vera útsynningur ella sunnan. Tann luftin fer at koma av leiðunum vestan fyri Iberia, so hitin her í Føroyum fer at ota seg nøkur stig uppeftir.
