Evrard Blé verður ikki í B36 í 2014.
Evrard Blé verður ikki í B36 í 2014.
Evrard Blé byrjaði kappingarárið í ár hjá uppflytarunum 07Vestur. Men í summarsteðginum skifti hann til B36. Har spældi hann 12 dystir. Men nú er greitt, at Evrard Blé heldur ikki fram í B36. Tað váttar hann fyri Norðlýsinum í stuttari viðmerking. Hann sigur, at hann hevur virðing fyri B36 og heldur tað vera eitt fantastiskt felag.
Blé sigur, at hann er í sambandi við fleiri feløg, men at eingin sáttmáli nærkast enn.
Evrard Blé hevur áður spælt við VB, VB/Sumba, AB og Víkingi umframt 07Vestur og B36, har hann hevur verið í ár.
