Sunnudagin tann 2.februar 2025 kl. 16 fara Monika Stauss Joensen (violin) og Jón Eliassen (flygil) at undirhalda við lívligum klassiskum tónleiki í Leirvíkar Bátasavni.
Ì seinru helvt av tónaleikaløtuni fer Àrni Jacobsen at greiða frá hansara myndum, sum hann meistarliga hevur tikið runt um í Føroyum, og í heimbygd hansara Leirvík. Her hevur hann annað árði á rað valt nakrar av hanara myndum og givið út sum “Leirvíkskalendara”. Aftaná at Àrni hevur greitt frá, koyra hansara myndir sum bakgrund, meðan Monika á violin og Jón á flyglinum framføra víðari.
Repertoire sum tey bæði, Monika og Jón framføra er sera fjólbroytt, og tónleikur saman við vøkrum myndum er ein serstøk ferð gjøgnum vøkru oyggjarnar.
Hetta kann síggjast sum ein giltur møguleiki at stytta myrkastu tíðina í árinum.
Tónleikaløtan í Bátasavninum verður sunnudagin 2. februar 2025 kl 16. Kostnaðurin fyri atgongd til savnið er kr. 80. Børn hava fría atgond.
Fyri hetta fæst góður tónleikur, vakra myndir við frágreiðing av myndamanninum , hugnalig samvera, kaffi/the og okkurt afturvið. Eisini verður høvið at ogna sær myndakalendarin.
Øll eru hjartaliga vælkomin.
