Enn er ikki endalig støða tikin til lagnina hjá Kongshavnar Útgerðarfelag – Fíggjarmálaráði bíðar eftir at 3-manna nevnd tulkar sína egnu niðurstøðu
Bíða verður framvegis eftir niðurstøðuni hjá 3-manna nevndini, sum viðgerð umsókn hjá Kongshavanar Útgerðarfelag um at fáa landskassaveðhald fyri 41 milliónir krónur flutt yvir á annað skip.
Nevndin segði annars í niðurstøðuni at hon ivaðist í um heimild er í lógini at ganga umsøknini á møti – men niðurstøðan var so torrskyld at fíggjarmálaráði heitti á nevndina at koma við einum meira útgreinaðum svarið.
Svarið frá nevndini kann fáa avleiðingar fyri politisku framtíðina hjá Fiskimálaráðharranum, tí verður umsóknin ikki gingin á møti kann felag hansara verða kravt eftir 41 milliónum krónum.
Við Norðlýsið sigur fíggjarmálaráði at tey skilja ikki hví svar ikki enn er komin frá bólkinum – men rykt verður eftir svarið í dag.
