Sunnudagin 30. mars kl. 15:00 verður árliga fimleikaframsýningin hjá Klaksvíkar Fimleikarafelag í KÍ høllini.
Síðan Klaksvíkar Fimleikarfelag var endurstovnað í november 1998 hava stóru fimleikaframsýningarnar í KÍ høllini verið sera væl vitjaðar.
Í ár fara umleið 300 fimleikarar at sýna fram í rytmiskum fimleiki og lop.
Á framsýningini í ár verður nýggj útgerð tikin í brúk.
Atgongumerki til framsýningina kostar 100 krónur fyri vaksin og 30 krónur fyri børn í skúlaaldri. Børn undir skúlaaldri sleppa ókeypis.
