Fimm íðkarar á Talentlandsliðnum, sum hetta vikuskiftið kappast í Gøteborg

Treysti hevur nógvar góðar ungar íðkarar, sum umboða Føroyar í hesum døgum. Sum kunnugt er Rebekka Fuglø á Oyggjaleikunum á Jersey, har hon í morginári kl 10.30 rennur 800m finalu.

Fimm aðrir ungir íðkarar úr Treysti fóru í morgun við Talentlandsliðnum hjá FÍF til Gøteborg, har tey alt vikuskiftið fara at kappast í VU-Spelen. Yvir 3.000 aðrir íðkarar luttaka í hesi stóru kapping, sum fer fram á Nya Ullevi í Gøteborg. Í alt eru 24 føroyskir íðkarar úr Treysti, Bragdið og Hvirluni við í kappingini. Føroysku íðkararnir plaga at koma aftur við góðum úrslitum, og vónirnar um tað, eru góðar aftur hesuferð.

Aftast f.v.: Guttorm Sørensen (venjari), Gunnar Sivertsen og Rebekka Fuglø
Mittast f.v.: Óluva Allansdóttir Joensen og Birita Ryan
Fremst f.v.: Maria Biskopstø og Oddvør Josephsen

Tey fimm úr Treysti eru Gunnar Sivertsen, Oddvør Josephsen, Maria Biskopstø, Óluva Allansdóttir Joensen og Birita Ryan. Jorie Josephsen, úr Treysti, er ein av ferðaleiðarunum á túrinum. Tey hava øll, saman við øðrum úr Treysti, vant dúgliga á Svangaskarði síðani seinast í apríl, fyri at fyrireika seg so væl tilber til tær spennandi avbjóðingarnar íð standa fyri framman.

Á hesi heimasíðuni ber til at fylga við hvussu gongst hjá teimum: VU-Spelen 2015

Skráin hjá teimum úr Treysti er hendan:

Guttorm, sum í løtuni er á Jersey saman við Oyggjaleikalandsliðnum, fer eftir kappingina hjá Rebekku Fuglø í morgin, saman við Bragdavenjaranum Debes H. Christansen, at seta kósina móti Gøteborg.