Tað gjørdist kvinnurnar hjá Mjølni, sum í gjár komu best frá dystinum í meistaradeildini hjá kvinnum í gjár
Tað gjørdist kvinnurnar hjá Mjølni, sum í gjár komu best frá dystinum í meistaradeildini hjá kvinnum í gjár
Mjølnir var á vitjan í Havn hjá Fleyr, og var hetta fyrsti dysturin hjá Mjølni og nýggja venjaranum Sofíu Purkhús í landskappingini í ár.
Og ikki kann sigast annað, enn at byrjanin var góð, tí Mjølnir vann dystin 3-0, hóast at tvey av settunum vóru sera jøvn – við bert tveimum og trimum stigum á muni.
Fyri stutt síðani var tað venjarin hjá Fleyr, Kristian Mikkelsen, sum hevði betri kortini, tí tá vann Fleyr eina tætta finalu í FK-kappingini í Havn, so tað tykist, sum um at hesi bæði fáa nakrar tættar dystir í ár.
Settini í dystinum vóru annars hesi: 22-25, 16-25 og 23-25.
Støðan hjá meistaradeildini hjá kvinnum sæst á myndini niðanfyri.
