Seinastu dagarnar hevur tvíkiljan Kavarin úr Vestmanna lagt ein kaðal tvørtur um Skálafjørðin. Talan er um ein fiburkaðal hjá Føroya Tele, ið fyribils skal nýtast, meðan Skálafjarðartunnilin er í gerð.
“Verandi kaðal liggur har, sum tunnilin kemur upp, og onkur grótfylling skal eisini gerast í sambandi við tunnilin, og tí verður hesin kaðalin lagdur fyribils,” sigur Símun Jákup Højsted, ið stendur fyri arbeiðinum.
SEV hevði eisini tveir kaðalar liggjandi á somu leið, men teir vórðu fluttir í fjør.
