Fleiri enn 400 sjálvboðin hava leygardagin 12. september gingið við bússu, hurð til hurð, í sambandi við landsinnsavningina hjá Reyða Krossi. Fyribils afturmeldingarnar eru, at fólk taka væl ímóti innsavnarunum.
Fleiri enn 400 sjálvboðin hava leygardagin 12. september gingið við bússu, hurð til hurð, í sambandi við landsinnsavningina hjá Reyða Krossi. Fyribils afturmeldingarnar eru, at fólk taka væl ímóti innsavnarunum.
Har fólk ikki vóru inni, eru kort løgd í postkassarnar við kunning um, hvussu ein kann stuðla umvegis netbanka, bankakontur ella við at ringja á innsavningarnummarið há Reyða Krossi 905656.
Áhugin at ganga við bússum fyri Reyða Kross hevur eisini verið stórur í ár.
Reyði Krossur Føroya takkar øllum hjartaliga, ið stuðla bæði sum innsavnarar og við at lata pening. Eisini takka vit peningastovnunum, ið hava havt deildir kring landið opnar í sambandi við innsavningina og gera uppteljingina.
Beinanvegin allar bússurnar eru komnar í bankan og taldar, verður úrslitið av landsinnsavningini 2015 almannakunngjørt.
