Undirtøkan fyri árligu Fólkaheilsurenningini í Klaksvík í morgin er sera stór, og hava millum 800 og 900 luttakarar melda til
At Klaksvík er ein heilsubýur sást veruliga aftur í áhuganum fyri árligu Fólkaheilsurenningini, sum Treysti skipar fyri í Klaksvík kl. 14.00 í morgin.
– Virkir og stovnar hava tilsamans tilmelda eini 500 starvsfólk, og afturat teimum 300, sum hava melda til á netinum, so er talið yvir 800 luttakarar, sigur Pól Sundskarð frá Treysti.
– Tá so nógvir luttakarar eru, vilja vit heita á fólk um at møta stundiliga kl. 13.00 í Badmintonhøllini fyri at heinta startnummarið, sigur Pól Sundskarð.
Veðurforsøgnirnar eru góðar og verður tað av allarfagrasta veðri í morgin meðan runnið ella gingið verður.
