Nú klokkan 10 lata dyrnarn upp fyri almenninginum til størstu altjóða Atlantic Fair messuna í Klaksvík, har 190 føroyskir og útlendskir framsýnarar fara at sýna fram tað nýggjasta og tað besta sum vinnan kann bjóða.
Kl. 10:30 fer Aksel V. Jóhannesen at seta Atlantic Fair og síðani vitjar løgmaður framsýningarnar, sum eru í og kring báðar ítróttarhallirnar í Klaksvík.
Atlantic Fair er ein messa har øll eru vælkomin og har øll kunnu fáa eina góða uppliving.
Atlantic Fair er opið frá kl. 10 – 17 týsdagin, mikudagin og hósdagin frá kl. 10 til 16.
Hotel Hafnia bjóðar til sjálvtøkuborð íroknað sodavatn og kaffe/te í Skálanum frá kl. 11:30 til 14-30 týsdagin, mikudagin og hósdagin. Harafturat hevur Hafnia eina cafe við lættari rættum og ymiskum góðum at drekka í Høll D allar dagarnar frá kl. 10-17.
Fyrilestur kl. 15:00: ”Vinnan skal trívast í Klaksvíkar Kommunu”
– Trivnaðurin í Klaksvíkar Kommunu byggir í stóran mun á herarnar hjá teimum framskygdu vinnulívsfólkunum, sum hava verið í kommununi. Seinastu nógv árini hevur kommunan so vítt gjørligt roynt at vera ein aktivur viðleikari við at skapa hóskandi karmar. Hetta er eisini málið í framtíðini. Eirikir í Jákupstovu, Vinnu- og mentanarstjóri hevur fyrsta fyrilesturin á Atlantic Fair
Fyrilestur kl. 16:00: ”Hví ikki byggja skip í Føroyum við føroyskum fyritøkum”
– Seinastu árini hava okkara grannalond bygt ein hóp av skipum. – Komandi árini skulu føroyingar hava fleiri nýggj skip. Hvørjir møguleikar og forðingar eru fyri at hesi verða smíðað í Føroyum av føroyskum fyritøkum?
– Frimodt Rasmussen og Sofus Gregersen, Klaksvíkar Sleipistøð hava fyrilestur.
