Føroya Sjómannadagur, Klaksvík 16. – 20. august: Væleydnað fiskikapping

Børnini hugnaðu sær á bryggjuni í gjár tá fiskikaping var.

Rættiliga fitt av fólkið hevði leitað sær norður á Kósabryggjuna í gjár, tá fiskikappingin fyri børn var. Fiskikappingin var skipað soleiðis, at tey luttakandi sjálvi skuldu taka eina tráðu við. Á keiini fingu tey ein kassa, sum tey skuldu fiska uppí. Eitt lítið ílat við agni var eisini stillað í hvønn kassa.

Børnini, bæði dreingirnir og genturnar, vóru sera spent at fara í gongd við at fiska. Eftir at Ólavur Poulsen, eitt sindur yvir klokkan 17, hevði givið boð um, at nú kundu tey kasta pilkin ella húkin á sjógv var tað rættiliga skjótt at útvið 100 tráður stóðu útav bryggjukantinum á kósini. Hetta var sjáldsom og forvitnislig sjón. Onkur av teimum eldru, sum høvdu leitað sær oman á Kósina, snakkaði um, at tað mundi verða nógv ár síðan, at fiskikapping seinast hevði verið í Klaksvík. Ein meting var, at tað mundið verða umleið 25 ár síðan eitt slíkt tiltak hevði verið, men um hetta var rætt, komu menn ikki ásamt um.

Beinanvegin tá húkarnir vóru komnir á sjógv, fingu børnini á. Hampiliga nógvur seiður var at fáa, og skjótt legðist afturat í køssunum. Tað vóru ikki bert børnini sum vóru spent uppá kappingina, eisini nakrir pápar, og hissini mamma, vístu stórt ágrýtni at fáa fiskarnar krøktir av húkum, tá teir vóru syftir um kantin. Fyri tað mesta var talan um smáan seið á áleið 25-30 cm. Onkur størri seiður var eisini syftir, umframt nakrar smáfiskar og skrubbur.

Tað tóktist sum ikki bert børnini hugnaðu sær á bryggjuni. Onkrar familjur høvdu skipað soleiðis fyri, at fiskikappingin var familjutúrur norður á Kósina, við kaffi og onkrum afturvið.

Tá umleið 45 minuttir vóru gingnir varð givið boð um, at nú var fiskikappingin av og at øll máttu gevast við at fiska. Stílað var fyri, at kassarnir hjá børnunum vóru vigaðir, fyri at finna út av hvussu nógv tey høvdu fiskað.

Til handanina av heiðursmerkjum kom Nósi frá Føroya Banka.


Aftaná fiskikappingina varð skipað fyri at børnini kundu kasta fløskupostar. Tey fingu tómar fløskur frá Føroya Bjór og ein pappírslepa frá Føroya Banka, sum tey koyrdu niður í fløskurnar. Klakkur og Ågot førdu øll børnini út á fjørðin, har fløskurnar vórðu kastaðar.


Vinnararnir gjørdust hesi:
Gentur:
1. Siri Anthoniesen við 7,98 kg
2. Turid Højgaard við 7,10 kg
3. Louis Sørensen við 6,08
Dreingir:
1. Kári Sólheyg við 8,84 kg
2. Kristian Petersen 8,30 kg
3. Jóhann Høgnesen við 7,88 kg

Úrslit:
Jonva Joensen 1,58
Mikkjal Sivertsen 6,12
Heri Høgnesen 5,3
Martin Olsen 1,52
Mikkjal á Bergi 2,64
Rebekka P 2,22
Tórfinn A 3,6
Kristina P 6,18
Krista Mørkøre 3,9
Ingrid J. 2,64
Jákup Eysturlíð 5,42
Maria Askham 0,5
Lisabeth Joensen 1
Poul Eyðfinn Poulsen 5,2
Rani í Bø 1,86
Anita Gregersen 5,4
Róland S Biskupstøð 0,66
Andreas S 2,46
Poul K Matras 3,38
Aron Joensen 1,18
Leivur Ellingsgaard 2,32
Uni Gregersen 1,98
Sisilia Eysturdal 1,7
Victoria Eysturdal 1,16
Olaf á Grønastøð 1,92
Sigmar Nysted 5,74
Elsa Joensen 1,84
Frida Joensen 0,6
Siri Anthonisen 7,98
Turid Højgaard 7,1
Hans D Eydnugarð 4,34
Jórun Niclasen 0,62
Josvein Joensen 0,84
Absalon Jacobsen 4,18
Petur O Mørkøre 2,08
Fróði Mørkøre 3,24
Steffan Poulsen 6,8
Jógvan Gullaksen 0,3
Jóhann Høgnesen 7,88
Royja Eysturdal 4,6
Jóanis Danielson 0,3
Laila Hjelm 1,96
Jákup Mýru 0,7
Malan Mýru 0,84
Martin Baldvinson 3,64
Sjúrður Christiansen 1
Kári Sólheyg 8,84
Hans P. Sólheyg 7,44
Kristin Vilhelmsen 6,7
Karstin Bertholdsen 5,68
Aron Dahl 3,56
Búgvi Mikladal 4,76
Anikka Arge 1,06
Eyðun Waagstein 1,96
Maria Højgaard 1,16
Bárður Askham 1,6
Harriet Jacobsen 1,56
Christian Joensen 1,86
Andrea Joensen 2,9
Christoffur Bjartalíð 0,88
Ninni Havnará 0,4
Tina Joensen 5
Rúni Joensen 1,3
Kristian Petersen 8,3
Marni Hansen 0,2
Karla Hansen 1,94
Tróndur Fuglø 0,94
Olgar Fuglø 1
Gunnar C 1,62
Bjørg Mikladal 0,48
Marin Nielsen 3,32
Hermod Olsen 3,32
Tóri Z Dahl 6,48
Heri Borgarlíð 1,92
Sergei 2,38
Bára Leiti 0,88
Dan Akursmørk 0,3
Kára 0,09
Sanna Kallsberg 1,44
Álvur Zachariassen 2,16
Emilia Zachariassen 0,58
Erla 1,44
Louisa Sørensen 6,08