Norðlýsið hevur í kvøld fingið soljóðandi tíðindaskriv frá FS-Vágum, undirskrivað "leikararnir":
Tað er hugstoytt at frætta í fjølmiðlunum at tað felagið, sum vit leikarar ofra okkara tíð uppá, sigst verða farið í søguna.
Vit leikarar hava langt síðan gjørt okkum greitt, at um fótbóltinum skal verða lív lagað í Vágum, so skulu vit hava eitt "Oyggjalið" í fremstu røð.
Tað er týdningarmikið, at vit hava savnandi kreftir.
Tí fara vit at mæla øllum framburðshugaðum kreftum í oynni at taka saman hendur, so øll oyggin kann gerast stolt av at eiga ein ungdóm, ið tekur kappingina upp við onnur økir í landinum. vit eru vágamenn úr FS Vágum, og tað fara vit at halda áfram at verða. Vit bjóða øllum góðum kreftum í oynni at verða við til at skapa uppaftur betri karmar um ítróttina. Tað er ikki spurningurin um hvat slag av grasi ella á hvørjum stað tað liggur, ið er avgerandi fyri okkum. Vit fara har viljin til framburð er stórstur.
Vit leikarar, stuðlaðir av góðum leiðarum, venjarum og áhugaðum stuðlum vilja tí við hesum alment boða frá, at vit standa saman um "Oyggjaliðið FS Vágar" bæði nú og í framtíðini.
Leikararnir
Tillukku tit har vesturi!
Norðlýsið
