Í samband við arbeiðið á nýggja íbúðarøkinum eystan Garð, hevur kommunan gjørt ein fyribils arbeiðsveg um Vágsá.
Talan er um arbeiði hjá kommununi, har arbeitt verður við at leggja kloakk og el-inleggingar í nýggja vegin eystan Garð. Í tí sambandi hevur kommunan heitt á Norðhús, um at nýta arbeiðsvegin um Vágsá, meðan arbeiðið hjá kommununi verður framt.
– Arbeiðið væntast at taka ein góðan mánað. Síðan verður grótið tikið upp aftur og áin gjørd í uppruna stand, sigur Jógvan Ósa, tekniskur leiðari.
– Kommunan hevur ikki ætlanir at knýta vegin eystan Garð og vegin á Brekku saman.
