Ein stríðsspurningur undir seinastu samgongu var var Sandoyartunnilin – og sum skilst hevur Gerhard Lognberg fingið nøktandi orðing við í samgonguskjalið hesuferð
– Eg má siga sum er, at eg eri sera væl nøgdur við samgongusamráðingarnar, sigur sandoyartingmaðurin.
– Seinast vit samráddust fekk eg einki við um Sandoyartunnilin – men hesuferð eri eg nøgdur við orðingarnar.
– Eg fái einki sagt um hvørjar hesar orðingar eru – men eg kann siga somikið – at eg eri sera væl nøgdur, sigur Gerhard sum váttar at m.a. Trygdarmiðstøðin í Klaksvík og Tunnlarnir norður um fjall eru evni, sum hava verið partur av samráðingunum.
