(Andorra) Tað er neyvan vandi fyri avlýsing í Andorra í dag, nú tað hevur kavað illað.
Myndin er tikin kl. 12.48 og tá gekk væl at rudda seinasta kavan av vøllinum. Tað er kalt í Andorra, men sum skilst væntast veðrið at blíva hampiligt í kvøld. Í løtuni bendur alt á, at dysturin verður spældur og byrjar kl. 17.00 føroyska tíð.
Føroyska liðið er sett til dystin:
Gunnar Nielsen verður í mál, og í føroysku verjuni verða Jónas Tór Næs, Atli Gregersen, Jóhan Troest Davidsen og Viljormur Davidsen. Á miðvøllinum verða Kaj Leo í Bartalsstovu, Sølvi Vatnhamar, Hallur Hansson og Gilli Sørensen. Nakað framman fyri miðvøllin verður Jóan Símun Edmundsson, og fremsti maður á føroyska liðnum frá byrjan verður Páll A. Klettskarð.
Eykaleikarar: Teitur M. Gestsson, Símun Rógvi Hansen, Bárður J. Hansen, Pól Jóhannus Justinussen, Odmar Færø, Hørður Askham, Rógvi Baldvinsson, Jóannes Bjartalíð og Klæmint A. Olsen.
