Sunnudagin 10. mars klokkan 14.00 verður skipað fyri Grækarismessuhaldið í Klaksvík. Grækarismessuhaldið verður í Skálanum, Bøgøta 11. Tað er Klaksvíkar Dansifelag í samstarvi við gulu og grønuskótar og Klaksvíkar hornorkestur, ið skipa tiltakið.
Klokkan 13.45 fer skrúðgonga við skótum frá fleiri støðum í Klaksvík. Gulu skótar hava 75 ára føðingardag, og koma skótar úr øllum Føroyum at luttaka í skrúðgonguni.
Skrúðgongan samlast við Fípuna Føgru og hagani gongur øll skrúgongan niðan i Skálan har Grækarismessuhaldið verður hildið.
Í Skálanum spælir hornorkestri nøkur løg. Vit syngja “Tjaldur ver vælkomið” og tjóðsangin í felag. Tórður Mikkelsen (Tórður á túri) flytir fram røðu.
Eftir Grækarismessuhaldið verða kakao og bollar at fáa, og barnadansurin hjá Klaksvíkar Dansifelag hevur tombola.
Øll eru hjartaliga vælkomin til Grækarismessuhaldið 10. mars kl. 14.00
