Gunnar G. Nielsen skrivaði í morgun undir sáttmála við KÍ fyri næsta kappingarár.
Gunnar Guillermo Nielsen, sum hann eitur, er ættaður úr Argentina og hevur millum annað spælt við Boca Juniors í sínum ungdómsárum.
Hann fór sum blaðungur til Danmarkar at spæla fótbólt. Har leikti hann við FC Århus, Kolding FC og FC Nordjylland.
Eftir eina tíð í Danmark gekk leiðin til Føroyar og ÍF á sumri í 2004. Har var hann í hálvtannað ár, áðrenn túrurin fór víðari til GÍ.
Gunnar hevur undirskrivað ein eittára sáttmála.
