Marianne Clausen, kórleiðari, tónleikagranskari og rithøvundur, doyði í septembur 2014. Stórverk hennara eru tey átta verkini við nótauppskriftum og royndum at analýsera tær upptøkurnar við løgum, kvæðum, vísum og sálmum, sum hon sjálv og onnur høvdu gjørt. Ein partur av hennara arbeiði var at uppskriva tær mongu variatiónirnar, sum hon hoyrdi í ymsum bygdum, tá ið hon tók upp kvæðir og sangir, sum gomul fólk sungu. – Hetta var mentanararvur, sum uttan hennara avrik vildi farið fyri skeytið. Marianna var eisini ágrýtin kórleiðari, sum í nógv ár gav sínum kórum fjølbroyttar og hendingaríkar løtur innan alskyns tónleik.
– Marianne in memoriam
Týsdagin 10. februar 2015 kl. 19:00
í Føroyahúsinum
Vesterbrogadse 17A
1620 København V
Marianne Clausen, kórleiðari, tónleikagranskari og rithøvundur, doyði í septembur 2014. Stórverk hennara eru tey átta verkini við nótauppskriftum og royndum at analýsera tær upptøkurnar við løgum, kvæðum, vísum og sálmum, sum hon sjálv og onnur høvdu gjørt. Ein partur av hennara arbeiði var at uppskriva tær mongu variatiónirnar, sum hon hoyrdi í ymsum bygdum, tá ið hon tók upp kvæðir og sangir, sum gomul fólk sungu. – Hetta var mentanararvur, sum uttan hennara avrik vildi farið fyri skeytið. Marianna var eisini ágrýtin kórleiðari, sum í nógv ár gav sínum kórum fjølbroyttar og hendingaríkar løtur innan alskyns tónleik.
Vit hava heitt á nøkur fólk, sum kendu Mariannu, og sum hvør í sínum lagi fegin vilja heiðra hana fyri hennara mikla granskingaravrik. Henni til minnis fara tey eisini at siga frá kórleiðaranum, dirigentinum og kvinnuni. Á fyrstu hædd verður framsýning av verkunum og øðrum hjá Mariannu.
Skráin
– Fagnaðarljóð – eitt kingolag á saxofon
Hans Petur í Brekkunum spælir, býður vælkomin og stendur fyri tiltakinum
– Felagssangur. Lars Nielsen (Con Brio) spælir undir á harmoniku
– Marianna í orðum og myndum. Jens Galsgaard, maður Mariannu, vísir eina myndarøð við Mariannu og sigur frá henni, hennara lívi og virksemi
– Felagssangur
– Con Brio kórið syngur tveir sangir. Marianna var kórleiðari 1984-2013
Fróði Debes (Con Brio) hugleiðir um Mariannu, menniskjan, kórleiðarin og granskarin
Lars Østergaard (Con Brio) sigur ævintýrið Tær fýra stættirnar
– Marita Akhøj Nielsen, dr. phil, greiðir frá tí mentanarsøguliga týdninginum av avrikinum hjá Mariannu
– Húsakórið syngur tveir sangir. Marianna var kórleiðari 1978-2000
Magnus Dahl (Húsakórið) hugleiðir um Mariannu, menniskjan og kórleiðarin
– Felagssangur
– Sissal Kampmann lesur einar tvær yrkingar hjá sær
– Janka Nielsen (Con Brio) syngur tveir rumenskar sangir, og maður hennara, Lars Nielsen, hevur fylgispæl við harmoniku
– Tórur og Birgitte Johannesen syngja tvey kingoløg: Som den gyldne sol frembryder og Eg biði teg, Gud og harri mín
– Mpiri kórið syngur tveir sangir
Bogi Mouritsen, ein teirra, sum fóru undir hetta kórið, sigur í stuttum frá sínum samstarvi við Mariannu
– Con Brio, Húsakórið og Mpiri syngja saman: Nu rinder solen op af østerlide
– Felagssangur
– Føroyskur dansur. Fólk úr Fótatraðk og onnur skipa nakrar vísur
Øll eru vælkomin. Ókeypis atgongd. Okkurt smábit innan byrjan. Drykkivørur o.a. selt í barrini.
