Nú eru bert fýra leygardagar eftir á hesum sinni, har ein kann renna fyri heilsuna og fáa gávur afturfyri frá Sportmaster. Byrjað verður kl. 17.00 frá Vágsheygsgøtu.
Fleiri hava luttikið fimm ferðir, nøkur tíggju ferðir og onkur hevur luttikið hvørja ferð.
Leygardagin 15. september skipar Almanna- og heilsumálaráðið fyri stóru árligu Fólkaheilsurenningini ymsastaðni í landinum.
Tey hava spurt um tey kunnu leggja fólkaheilsurenningina í Klaksvík saman við "renn fyri heilsuna" hjá Sportmaster og Treystinum. Tað fingu tey sjálvandi loyvi til, so tá verður vónandi stór luttøka.
