(Úr Norðlýsinum 23.01.23) Norðlýsið hevur hugt eftir skrásetingini hjá Vørn fyri veiðuvirði í 2022 í bólkinum 5A.
Bólkur 5A eru fult riknir útróðrarbátar undir 15 tons á húkaveiðu. Og av teimum mongu bátunum, so vóru seks bátar, ið avreiddu fyri yvir tvær milliónir. Tað er sama tal sum í 2021 og sum heild eru tølini ikki langt frá 2021. Toppurin er lægri, men botnurin er hægri, um vit hyggja eftir teimum seks bátunum, sum seldu fyri yvær tvær milliónir. Í 2020 vóru tað bara fýra bátar, ið seldu fyri yvir tvær milliónir í bólki 5A. Fyrivarni skal takast fyri, at onkrar smávegis nøgdir frá desember 2022 kunnu mangla, men neyvan nakað, sum broytir myndina markant. Sí niðanfyri.
