Teir hava siglt góð 8 døgn og verða á fiskileið á Flemish Cap í nátt . Enn hevur Ågot tó ikki fingið fiskiloyvi frá Vørn.
Sum tað sæst á myndini hava teir ikki siglt í eini beinari linju móti Flemish Cap.
– Vit løgdu vestur móti Kappanum, mest fyri at hava viðvind. Nú er lítið av sjask inn á stýriborð, sigur Hjaltur Poulsen skipari.
– Vit verða nokk frammi í nátt, hava siglt 8 døgn. Vit koma nokk at bíða eftir fiskiloyvinum í trý døgn, sigur Hjaltur.
Felagskvotan er 2491 tons í rundari vekt og Hjaltur vónar at teir fáa tveir túrar.
Klakkur, Kambur, Stapin og Eivind eru eisini á veg til Flemish Cap. Eingin teirra hevur heldur fingið fiskiloyvi.
