Leygarkvøldið 4. apríl skipar samkoman í Betesda fyri forvitnisligari hugnaløtu fyri hjún og pør í Badmintonhøllini í Klaksvík.
Høllin verður skipað í café stíli við borðum og sjálvtøku, har kaffi/te og okkurt leskiligt verður afturvið Anna & Símun Pætur á Torkilsheyggi koma at luta nakrar viðkomandi tankar til hjún. Absalon Áargarð og hansara vælkendu dukkur koma at seta sín dám á løtuna við teirra skemtiligu viðmerkingum.
Umframt lættan felagssang koma Torkil Mørkøre Band og Eyðun Jacobsen Band at syngja og spæla. Báðir eru teir vælkendir í føroyska gospelumhvørvinum, og plaga teirra framførslur at hugtaka áhoyraran.
Øll hjún og pør eru hjartaliga vælkomin í Badmintonhøllina leygarkvøldið kl. 20!
Vitjað eisini www.betesda.fo
