Nú vetrarútróðurin er um at byrjað, er ikki sørt, at tú merkir ávísan spenning um fiskiskapin fyri framman.
Útróðrarmenn sjálvir hava tey seinastu tvey árini víst á ymiskt, ið merkir framgongd í fiskarínum, og í summar hava vit fingið sjón fri søgn, at nógv meira lív er í sjónum kring Føroyar, enn vit hava sæð í nógv tey seinastu árini.
Hetta sæst eisini aftur í fuglameinginum. Ternurnar hava fingið nógvar ungar undan í ár, sera positivar ábendingar hava verið at sæð í fuglabjørgunum, so fyri framman sær spennandi út.
Spurningurin er so um hetta fer at síggjast aftur eisini í botnfiskasløgunum.
Útróðrarmenn, ið vit hava tosa við ivast ikki í, at tað fer at hildnast betur hjá útróðrarflotanum í vetur enn fleiri vetrar frammanundan.
Á Stongunum verður størri virksemi í ár enn í fjør. Kallanes er fluttur úr skúrinum á vestursíðuni og á Stengurnar, haraftur at er Norðsøki keyptur til Klaksvíkar og fer at egna á Stongunum, so tað fer at vera sera áhugavert at fylgja størru útróðrarbátunum í vetur.
Um onkur hevur hug at rógva út ella egna, so eru onkur pláss á útróðrarbáti og eisini okkurt plássið í egningarskúrunum.
