U21 landsliðsleikarin hevur gjørt nýggjan sáttmála við KÍ.
Jákup B. Andreasen er 20 ára gamal og hóast unga aldurin, so hevur hann fitt av royndum úr bestu deildini. Í 2015 byrjaði hann ordiliga at snodda til besta liðið og síðani 2016 hevur hann nærum átt fast pláss á KÍ liðnum. Tilsamans er hann skrásettur fyri 78 dystir og 5 mál í Betri Deildini. Seinastu umførini hevur hann verið sera eyðsýndur, og hann er helst millum fyrstu nøvnini, sum U21 venjarin, Eli Hentze, setur í uppstillingina til U21 landsdystin móti Finnlandi fríggjadagin kl. 17.00 á Svangaskarði.
KÍ boðar frá, at sáttmálin millum KÍ og Jákup er galdandi fyri kappingarárini 2019 og 2020.
