Tosið um vælferð er endað sum rós uttan verunligt innihald. Í verunleikanum er vælferðin minkað í Norðuroyggjum seinastu árini.
Grundleggjandi fyri vælferð er tryggd fyri borgarnar tá teir gerðast sjúkir, koma til skaðars ella eru fyri aðrari vanlagnu.
Longu fyri nógvum árum síðani tagnaði telefonstøðin í Klaksvík. Ein støð, sum kendið Norðuroyggjar út og inn, og kundið veita skjóta og effektiva hjálp. Henni á baki fór so meginparturin av politivaktini. Samanlagt ein munandi skerd tænasta til borgarnar og harav ein lækkað vælferð.
Landsverk hevur longu stungið í sekkin og Toll- og skatt verður tað næsta. Aftur in skerd tænasta til borgarnar. Aftur ein lækkað vælferð. Tað tykist sum um vælferð skal kosta bara hon ikki liggur norðanfyri Mjóvanes.
Kommunulæknarnir í Eysturoy og Klaksvík eru so líðandi vornir alt færri í tali uttan, at avvarandi mynduleikar hava gjørt sum okkara grannalond. Nevniliga, at fara aktivt inn og headhunta læknar.
Og hvussu “loystu” politikarar henda trupulleika. Jú, teir niðurløgdu kommunulækna vaktina í øllum norðara parti av Føroyum og løgdu hana inn á Landssjúkrahúsið.
Nú noyðast viðingar og gásadalsfólk suður til havnar á náttartíð fyri at pissa í eina fløsku ella, at tað verður hugt niður í hálsin og skrivað ein resept.
Fólk koyra við febri á landsvegum og avvarandi koyra ræslusligin við vánaligum sjúklingum á baksetrinum á náttartíð. Ofta beint framvið einum sjúkrahúsi, sum hevur neyðugan førleika til tryggt, at taka sær av hesum.
Makan til lækkandi vælferð skal ein leita longi eftir.
Set X við Lista E – vit arbeiða fyri sakini til hon er komin á mál
Jákup Petersen
valevni hjá Tjóðveldinum til løgtingsvalið
