Politikkurin hjá sitandi samgongu rekur fiskimenn í land. Aktørarnir innan fiskivinnuna sleppa ov lítið fram at í Kringvarpinum at greiða frá sínum sjónarmiðum, sigur Jan Højgaard formaður í Føroya Fiskimannafelag í viðtali við Norðlýsið
Tað er ein hugtungur formaður í Føroya Fiskimannafelag vit hava í rørinum, nú vit biðja hann um eina viðmerking til ætlaður broytingarnar hjá samgonguni um broytingar í veiðugjøldini
-Nú byrja menn at stinga í sekkin, teir verða riknir í land og tað er av politikkinum hjá sitandi samgongu.Tímaløn og strev stendur ikki mát við arbeiði, sigur Jan Højggard.
– Retorikkurin hevur verið ágangandi móti fiskimonnunum alla tíðina. Ljótur málburður og bríksl. Fiskimaðurin sleppur ov illa framat í Kringvarpinum at greiða frá sínum sjónamiðum, eitt nú í Breddanum, sigur Jan Højgaard við Norðlýsið.
