Johan Dahl sigur at hann fer at atkvøða eftir sínari sannføring og harvið við andstøðuni í málinum um hvørt samkynd skulu verða javnsett við hinskynd foreldur
Sambandsflokkurin hevur sín landsfund í Klaksvík í dag. Fitt av fólki eru møtt og fyrrapartin hevur Bárður á Steig Nielsen haft sína formansfrágreiðing og síðani hava limirnir kjakast.
Johan Dahl tók orðið og segði, at hann fór at atkvøða eftir síni sannføring í málinum um hvørt samkynd skulu verða javnsett við hinskynd foreldur í mun til barsil.
Uppskotið til løgtingslóg um broyting í løgtingslóg um barsilsskipan kemur fyri á løgtingi hósdagin í komandi viku.
