Føroyska tjóðskaparrørslan tók av álvara dik á seg á vælkenda jólafundinum 2. jóladag 1888. Føroyingafelagið varð stovnað við greiðu málunum; “At fáa Føroya mál til æru”, og ” at fáa allar føroyingar til at halda saman og at ganga fram í øllum lutum, at teir mugu verða sjálvbjargnir”. Men hvussu langt eru vit komin síðan henda týdningarmikla dag í Føroya søgu, og hvagar gongur leiðin?
21. desembur skipar Unga Tjóðveldið fyri jólafundinum anno 2016 á Føroya Fólkaháskúla; eitt mentanarkvøld, við yrkingum, tónleiki og kjaki um hvagar vit føroyingar eru komnir, og hvussu vit taka okkum fram, so at vit at enda røkka teimum báðum aðalmálunum; at vinna Føroya mál til æru og at vera sjálvbjargin í øllum lutum!
Fundurin byrjar kl. 20.
Fundarskráin er hendan:
Bjóðað verður vælkomin, og fundurin byrjar.
1) Jóanes Patursson hugleiðir og lesur upp yrking eftir Jóanes bónda.
2) Hugleiðing um mentanar strev føroyinga; hvar eru vit, og hvagar gongur leiðin?
3) Steðgur
4) Røða og samanumtøka
5. Sissal og Ólavur framføra
6. Fundurin lokin.
