Jólamánaðurin er ein serliga virkin og gevandi tíð hjá næmingum og lærarum hjá Klaksvíkar Tónlistaskúla
Mikudagin 10. desember kl 19.00 verður jólakonsert á Skúlatrøð. Strúkarar, blokkfloytur og klaver- og guitarnæmingar spæla jólaløg og annað.
Næmingar hava eisini framført á Biskupstorginum og verða aftur at hoyra har leygardagin 13. desember millum kl 11 og 14 og 16. desember kl. 16.30-17.30.
Leygardagin 13. desember spæla næmingar jólasangir í Badmintonhøllini í sambandi við Luksus Loppur.
Harumframt verður eisini vitjað á sjúkrahúsinum og Røktarheiminum. Smáar konsertir eru í Tónlistaskúlanum og ymist annað.
Vit í Tónlistaskúlanum gleða okkum yvir allar tær góðu framførslurnar og ikki minst at familja og onnur stuðla so væl og møta fjølment.
Takk fyri, og góða adventstíð.
