Útleggingin, sum KVF hevur staðið fyri; er als ikki í trá við fundin. Eg var har og veit hvat var sagt. Har vóru als ongar hóttanir, sigur Jørgen Niclasen í kvøld á facebook-vanganum hjá Fólkaflokkinum
Í kvøld sendi Jóhan Eli L. Poulsen út tíðindaskriv har hann spyr um leiklutin hjá Kringvarpinum í Huawei málinum. Tíðindaskrivið er blivið deilt á facebook vanganum hjá fólkaflokkinum.
Jørgen Niclasen, fíggjarmálaráðharri, sum sjálvur var við á fundinum við kinesisku myndugleikarnar svarar á sama vanga soleiðis til tíðindaskrivið hjá partamanninum Jóhan Eli L. Poulsen:
Àhugaverdur spurningur. Sjálvur var eg á fundinum og kenni meg slett ikki aftur í umtaluni. Men Kvf hevur skapt eina alheimssøgu út frá ongum. Persónar, sum slett ikki hava verið á fundinum, verða nú endurgivnir um alla verðina. Tað er skaðiligt fyri Føroyar. Útleggingin, sum KVF hevur staðið fyri; er als ikki í trá við fundin. Eg var har og veit hvat var sagt. Har vóru als ongar hóttanir. Tillukku KVF.
