Starvsfólk hjá IRF arbeiða saman við leiðsluni í Tórhavnar kommunu um at avtaka IRF, sigur Karl Johansen borgarstjóri í Klaksvíkar kommunu
Málið um framtíðina hjá brennistøðunum í Føroyum hevur fylt nakað í miðlunum í seinastuni. Sáddur hevur verið ivi um brennistøðina hjá IRF á Hagaleiti, meðan røddir hava tala fyri at framtíðarinnar brennistøð skal liggja í miðstaðarøkinum.
Karl Johansen er borgarstjóri í Klaksvíkar kommunu og harvið størsti eigari í IRF, sum er ein interkommunalur felagsskapur sum allar kommunur í Føroyum eiga í felag, uttan Tórshavnar Kommuna. Vit hava spurt Karl um eina viðmerking til málið.
– Eg føli tað sum um at málið vendur fullstændiga forkert. Starvsfólk hjá IRF saman við leiðsluni í Tórshavnar kommunu arbeiða við at avtaka IRF og Klaksvíkar kommuna sum størsti eigari í IRF er ikki eftirspurd. Málið má lýsast, vit fáa einki at vita, sigur Karl Johansen við Norðlýsið.
