Dagurin er júst byrjaður. Ein túr í fitness hølinum og morgunmaturin júst fingin innanborða. Norðlýsið blaðið er farið til prentingar og verður í øllum postkassum í Norðoyggjum, hjá haldarum og blaðsølunum kring landið.
Í blaðnum verður serligt fokus á Evropa League dystin hjá KÍ móti Birkirkara FC hóskvøldi kl. 19 lokala tíð (kl. 18 fø. tíð)
Aftaná ein avkølandi svimjitúr á hotel-takinum verður farið at elta slóðina hjá Paulus, sum sigst hava verið skipbrotin á Malta. Tá munnu hitastigini nærkast teimum 30, so ein faktorur á nakað tað sama verður neyðugur.
Seinnapartin verður Norðlýsið við til venjingina hjá KÍ. Vit fara at royna at fáa samrøður við KÍ leguna, at frætta tað nýggjasta.
