Við einum sannførandi avriki vann KÍ ein uppibornan sigur á oddaliðnum HB.
HB valdi at bíða eftir KÍ, sum slapp at stýra dystinum fram til fyrsta málið kom. Men fáir stórir málmøguleikar vóru. Í seinna hálvleiki fekk KÍ hol á og mál frá Jóannes Bjartalíð og Páll A. Klettskarð góvu KÍ eina 2-0 leiðslu. Men HB svaraði aftur til 2-1, og tí bleiv spenningur til endans. KÍ helt út og vann at enda uppibornan sigur.
Dagsins KÍ-avrik var sannførandi, har nógvir einstaklingar skaraðu framúr. M.a. Ole Erik Midtskogen í álopinum, sum HB ikki fekk bóltin frá uttan at gera fríspørk. Sigurin hjá KÍ skapar spenning í meistarastríðið, nú bara tvey stig skilja HB og KÍ.
Og so mugu vit nevna nýggja skýlið, ið við lívligum áskoðarum setti sín eyka dám á dystin.
