72,5 % av spælitíðini hjá KÍ er farin til føroyskar leikarar higartil í ár.
Hetta gevur KÍ eitt 5. pláss í deildini fyri brúk av føroyskum leikarum, har Víkingur liggur fremst við 100 % frammanfyri EB/Streym, B36 og B68.
Hetta er ein stór øking ímun til undanfarnu ár, har KÍ hevur ligið millum 60 og 66 %.
Talið av útrlendingum í KÍ-hópinum var við kappingarbyrjan 11. Síðani er ein farin avstað aftur. Tað eru bara tveir útlendingar, sum hava fingið nógva spælitíð av teimum 10, sum framvegis eru í hópinum. Tað eru málverjin Mark F. Jensen og miðverjin Gaston Tellechea.
Minuttir til føroyskar leikarar í landskappingini hjá KÍ:
2025: 72,5 %
2024: 60,5 %
2023: 57,4 %
2022: 66,2 %
2021: 59,8 %
2020: 69,4 %
2019: 64,7 %
2018: 68,9 %
2017: 70,5 %
2016: 74,3 %
Kelda: FaroeSoccer
