Mótstøðuliðið úr USA vísti seg at verða ov gott.
Tað endaði 3-0 til Real Salt Lake í síðsta dystinum hjá KÍ í Algarve í Portugal. Mótstøðuliðið skal um tvær vikur spæla móti Lionel Messi og hinum í Miami í landskappingini og eru sostatt nærri landskappingarbyrjan. Sambært hagtølunum var Real Salt Lake greitt betra liðið.
KÍ byrjaði soleiðis: Ari í H. Petersen – Jóannes K. Danielsen, Símun Kalsø, Heini Vatnsdal, Patrick Da Silva – Claes Kronberg, Jákup B. Andreasen, Dan í Soylu – Árni Frederiksberg, Páll A. Klettskarð, Pætur Petersen
Nú kemur KÍ heim aftur til Føroyar og áðrenn stórsteypadystin um tríggjar vikur eru venjingardystir móti B68, Víkingi og TB á skránni.
