KÍ og EB/Streymur spældu venjingardyst í Klaksvík í kvøld.
KÍ vann dystin 1-0. Málið kom eftir knappan hálvan tíma. Sum heild var KÍ betra liðið leikliga, men tað knípti at fáa stórar málmøguleikar burturúr yvirvágini. EB/Streymur hevði sína bestu roynd í fyrra hálvleiki, tá Meinhardt P. Joensen hevði eina stórbjarging.
KÍ-EB/Streymur 1-0 (1-0)
1-0: Jóannes K. Danielsen (Upplegg: Ronni Møller-Iversen)
KÍ byrjaði við hesum liðnum (3-4-3): Meinhardt P. Joensen – Deni Pavlovic, Marko Dusak, Hørður H. Askham – Dion Splidt, Hákun Edmundsson, Semir Hadzibulic, Jóannes K. Danielsen – Jóannes Bjartalíð, Páll A. Klettskarð, Ronni Møller-Iversen. Í seinna hálvleiki komu hesir inn: Kristoffur Jakobsen, Steinbjørn Olsen, Óli E. Poulsen, Hjalgrím Elttør og Jóhan W. Høgnesen.
EB/Streymur spældi við hesum liðnum (4-3-3): Rói Zachariassen – Rói Olsen, Petur Zachariassen, Andras Olsen, Ragnar B. Danielsen – Arnar Dam, Rógvi E. Nielsen, Ari Ó. Ellingsgaard – Leif Niclassen, Oddur Á. Højgaard, Pætur Petersen. Í seinna hálvleiki gjørdi EB/Streymur fleiri útskiftingar.
